Realizoi gol dhe asistim, Mirlind Daku në formacionin e javës në Rusi

17:12 | 2 Prill 2024
D.H

Mirlind Daku ka zënë vend në formacionin më të mirë të javës së 22-të të Premier Leagues së Rusisë.

Sulmuesi i Kombëtares Shqiptare shkëlqeu me një gol dhe një asistim në fitoren 2-1 përballë Akhmat Groznyt, performancë që u vlerësua ndër më të mirat në fundjavën që lamë pas.

Daku fillimisht ka asistuar në minutën e 12-të për Randjelovic.

Kurse në minutën e 35-të Daku ia doli të shënonte vetë, duke gjetur kështu golin e parë për vitin 2024 me Rubin Kazanin.

Daku këtë sezon ka 19 paraqitje me Rubin Kazanin, teksa ka shënuar pesë gola dhe ka dhuruar dy asistime.

Kujtojmë që në dy ndeshjet miqësore të muajit mars sulmuesi nga Gjilani, nuk ishte ftuar nga Sylvinho tek kombëtarja e Shqipërisë./Arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm